Minister of State for Interior Shehryar Khan Afridi says Ashura is an occasion for paying respect to martyrs of Karbala (19.09.18)

Minister of State for Interior Shehryar Khan Afridi says Ashura is an occasion for paying respect to martyrs of Karbala (19.09.18)
#PTI #Muharram

وزیر مملکت برائے داخلہ شہریار آفریدی نے کہا ہے کہ عاشورہ کربلا کے شہداءکو خراج عقیدت پیش کرنے کا موقع ہے، نواسہ رسول حضرت امام حسین ؓ اور ان کے جانثار ساتھیوں کی عظیم قربانی پوری انسانیت کے لئے مشعل راہ ہے۔ بدھ کو عاشورہ محرم الحرام کے حوالے سے اپنے پیغام میں وزیر مملکت برائے داخلہ نے کہاکہ وزیر اعظم عمران خان کی خصوصی ہدایات پر وزارت داخلہ نے عاشورہ کے اجتماعات اور عوام الناس کے تحفظ کو یقینی بنانے کے لئے جامع سکیورٹی پلان تشکیل دیا ہے۔ وزارت داخلہ ملک میں امن وامان کو یقینی بنانے کے لئے تمام ریاستی اداروں اور وفاقی حکومت کے ساتھ ہر ممکن تعاون کو یقینی بنائے گی۔ انہوں نے کہاکہ وزیراعظم پاکستان کے ہر شہری کے تحفظ کو یقینی بنانے کے لئے تمام وفاقی اور صوبائی اداروں کی اجتماعی ذمہ داری پر زور دینے کے خواہاں ہیں۔ انہوں نے کہاکہ ہمیں یاد رکھناچاہیے کہ پاکستان کے تمام شہریوں کی بھی ذمہ داری ہے کہ وہ فرائض کی بجاآوری میں سکیورٹی فورسز سے تعاون کریں۔ انہوں نے کہاکہ قومی سلامتی کے لئے کام کرنے والے تمام اداروں کے ساتھ شہریوں کو تمام کمیونٹیز ، مذاہب ، قومیتوں اور رنگ ونسل کے احترام کے لئے تعاون کرنا چاہیے۔ انہوں نے کہاکہ ریاست کے خلاف دشمن کے ناپاک عزائم کو ناکام بنانے کے لئے شہریوں اور اداروں کو مل کر کام کرنے کی ضرورت ہے