Prime Minister Imran Khan chairs Tourism Task Force Meeting in Islamabad (29.09.18)

Prime Minister Imran Khan chairs Tourism Task Force Meeting in Islamabad (29.09.18)
#PrimeMinisterImranKhan #KPKUpdates

وزیرِ اعظم عمران خان نے کہا ہے کہ سرکاری ریسٹ ہاؤسزکا انتظام شفاف طریقے اور پہلے سے طے شدہ طریقہ کارکے تحت نجی شعبے کے حوالے کرنے سے جہاں سیاحت کو فروغ ملے گا وہاں ان اثاثوں کا صحیح استعمال بھی یقینی بنایا جاسکے گا۔ اسلام آباد ٹورازم ٹاسک فورس کے اجلاس کی صدارت کرتے ہوئے وزیرِ اعظم نے کہا کہ ملک کے طول و ارض میں پھیلے سینکڑوں سیاحتی مقامات خصوصاً شمالی علاقہ جات، ساحلی علاقوں، مذہبی مقامات، موہنجو داڑو جیسے تاریخی مقامات پر توجہ سے ملک کے لاکھوں نوجوانوں کو روزگار میسر آئے گا۔ انکا کہنا تھا کہ جدید ٹیکنالوجی خصوصاً سوشل میڈیا کو برؤے کار لا کر ملک کے سیاحتی پوٹینشل کو باآسانی ملک بھر اور عالمی سطح پر اجاگر کیا جا سکتا ہے۔
وزیرِ اعظم عمران خان نے ٹاسک فورس میں شامل تمام صوبائی نمائندوں کو اپنے اپنے صوبوں اور علاقوں میں نئے سیاحتی مراکز کے قیام کی غرض سے ممکنہ مقامات کی ایک ہفتے میں نشاندہی کرنے کی ہدایت کی۔ انھوں نے کہا کہ آئندہ ایک ہفتے میں تمام صوبائی حکومتیں اور متعلقہ محکمے بشمول آزاد جموں کشمیراور گلت بلتستان ٹاسک فورس کے ٹی او آر ز کو مدنظر رکھتے ہوئے جامع پلان اور مقرر کردہ اہداف کے لئے ٹائم فریم مرتب کریں۔ عمران خان کا کہنا تھا کہ صوبائی سطح پر سیاحت کے فروغ میں حائل تمام رکاوٹوں کی نشاندہی کی جائے تاکہ وفاق کی جانب سے ان رکاوٹوں کا قابل عمل حل تلاش کرنے میں معاونت فراہم کی جا سکے۔ انھوں نے کہا کہ سیاحت کا فروغ صوبائی ذمہ داری ہے تاہم وفاقی حکومت سیاحت کے فروغ میں حائل رکاوٹوں کو دور کرنے اور صوبوں کی استعداد بڑھانے میں ہر ممکنہ مدد فراہم کرے گی۔ کپتان کا کہنا تھا کہ ایکو ٹورازم، مذہبی سیاحت اور ایڈونچر سیاحت کے فروغ کے ساتھ ساتھ ٹورارسٹ ریزارٹس (TOURIST RESORTS) کے قیام پر خصوصی توجہ دینے کی ضرورت ہے۔